Huy-Mundart
	Krause   Eheskandal    Jawoll     Holt mal stopp!   Drees Plesank   Heinrich	Wer war Karl Mingerzahn?
	Jawoll, dat isse Et is bekannt, bie uns ahn Huy, da jifft et sonderbare Lü. Doch is dat kein besondrer Fall, nä, saune Lü jifft öwwerall. Da nörjeln rum aan all un jeden, sind unbeständig wie der Wind, un sind nich ehr mit sek tau freden bett se total besopen sind. Da war vor Jahren ok mal einer, en Supsack — nä, dat glöwet keiner. Den hat dat Schicksal hart bedropen, denn de hat Rock und Stock versopen. De Hund suup rum all öwwerall. Nu war in Halberstadt mal Ball, da danze hei opp Nagelschaun de Nacht dorch bett tau'n Morjengraun. Un falle hei henn, sau in Jaloppe, denn danze wei'er oppen Koppe; un suup den Schnaps sau wie Likör, als wenn et Ränewater wär. Doch wie hei kaum noch kunne stahn, da raup hei sienen Kutscher aan: „Johann, spann aan, et is sauwiet, holt dek bereit, et is ball' Tiet!" Un Johann feur jewand und glatt wie'n D-Zuch hen na Halberstadt. Hei lure mit gespannten Ohr zwei vulle Stunnen undern Door un sä denn: „Et is fürchterlich, de Supsack kummt doch wedder nich!" Doch da kam plötzlich einer aan, sau rank un schlank wien Pietschenspan. „Paß opp", reppt Husknecht Morjenstern, „dat is de Jang von dienen Herrn!" Doch Johann sä vorstännichlich: „Um keine Welt, sau geiht de nich!" Ne Stunne drop mit festen Schritt, kam wedder einer — doch Krischan Schmidt sä tau den Husknecht: „Nich sau bange, de kummt noch nich, dat duert noch lange. De hat en Spundlock wie 'ne Null, de hat den Buuk noch lange nich vull, un denn tritt de — paß blot mal opp — ok noch en ganz Deil anders opp!" Mit einmal gaf et oben en Knall, dat Handperd spitzt de Ohrn all, dat Salperd wieher vull und ganz, als harrt de Düwel all bien Schwanz. Dat war en Prahlen un en Lärmen, als junk de ganze Welt in Scherben, als wennt sau hindern Holte buldert kam watt de Treppe runjekuldert. „Paß opp", sä Krischan, „eins is wisse, de jetzt runkummt, jawoll — dat isse!"	Autor: Karl Mingerzahn